बेंसीसहर : लमजुङमा माओवादी केन्द्रका महासचिव देवप्रसाद गुरुङले मतान्तर घटाउँदै लगेका छन् । नेकपा एमालेका उपमहासचिव पृथ्वीसुब्बा गुरुङले २२ हजार ४३८ मत ल्याउँदा देवप्रसादले २२ हजार १३० मतका साथ पछ्याइरहेका छन् । देवप्रसादको पृथ्वीसुब्बासँग ३०८ मतको मात्र मतान्तर रहेको छ ।
राष्ट्रिय स्वतन्त्र पार्टीका धर्म केसीले ५ हजार ७४८ मत प्राप्त गरि तेस्रोमा छन् । राप्रपाका बालचन्द्र श्रेष्ठले ८६९ र मंगोल नेशनल अर्गनाईजेशनका विकास गुरूङले ३९९ मत पाएका छन् ।
कुल ८० हजार ९१७ मतमा ५३ हजार ५१२ गणना भएको छ । १ हजार ६६५ मत बदर भएको मुख्य निर्वाचन अधिकृतको कार्यालयले जनाएको छ ।
आठ स्थानीय तह रहेको लमजुङमा हालसम्म ६ वटा पालिकाहरू मध्यनेपाल, सुन्दरबजार र राईनास नगरपालिका, क्व्होलासोंथर, दोर्दी र दुधपोखरी गाउँपालिकाको मतगणना सम्पन्न भएको छ ।
अब बेसीसहर र मर्स्याङ्दी गाउँपालिकाको मतगणना हुन बाँकी छ ।
प्रतिक्रिया दिनुहोस !
