काठमाडौं : नेपाल प्रिमियर लिग (एनपीएल) को दोस्रो खेलमा काठमाडौं गुर्खाजविरुद्ध लुम्बिनी लायन्सले दोस्रो विकेट लिएको छ।
कीर्तिपुरस्थित त्रिवि क्रिकेट मैदानमा टस जितेर ब्याटिङ गरिरहेको काठमाडौंका स्टीफन एस्किनाजी बोल्ड आउट भएका हुन्।
उनलाई ४.२ ओभरमा अभिषेश गौतमले बोल्ड आउट गरेका हुन्। उनले १६ बलमा १३ रन बनाए।
त्यस अगाडि पहिलो ओभरको तेस्रो बलमा काठमाडौंका माइकल लेविटलाई लुम्बिनीका रेमन सिमोन्डसले बोल्ड आउट गरे। उनी पहिलो ओभरमै शून्य रनमै आउट भए।
काठमाडौंका कप्तान करण केसीले टस जितेर लुम्बिनी लायन्सलाई बलिङको निम्तो दिएका थिए। ५ खेलमा ४ मा हार र १ मा जित सहित लुम्बिनी अंक तालिकाको पाँचौ स्थानमा छ। ३ खेलमा २ मा हार र १ मा जितका साथ काठमाडौं तालिकाको छैठौं स्थानमा रहेको छ ।
प्रतिक्रिया दिनुहोस !
