दैलेख : दैलेखका ११ वटै स्थानीय तहले आगामी आर्थिक वर्ष २०८२/०८३ का लागि बजेट सार्वजनिक गरेका छन् । मंगलबार दैलेखका सबै स्थानीय तहले आगामी आर्थिक वर्षको बजेट सार्वजनिक गरेका हुन् ।
दैलेखका ११ वटै स्थानीय तहले सात अर्ब १० करोडबढीको बजेट ल्याएका छन् । यहाँका ११ वटै स्थानीय तहले सार्वजनिक गरेको बजेटलाई जोड्दा सात अर्ब १० करोड ९३ लाख ७२ हजार चार सय ५० रुपैयाँ हुन आउँछ । यहाँको दुल्लु नगरपालिकाले दैलेखका अन्य १० वटा स्थानीय तहको तुलनामा सबै भन्दा बढी अर्थात् एक अर्ब आठ करोड ९२ लाख ४९ हजार रुपैयाँको बजेट सार्वजनिक गरेको छ । जसमा चालुतर्फ ७६ करोड ९८ लाख ८० हजार र पुँजीगततर्फ ३१ करोड ९३ लाख ७९ हजार रुपैयाँको बजेट सार्वजनिक भएको सूचना अधिकारी प्रकाश रेग्मीले बताए ।
वार्षिक नीति तथा कार्यक्रममा कृषि क्षेत्रलाई प्राथमिकता दिएको डुंगेश्वर गाउँपालिकाले ४१ करोड ८१ लाख ७२ हजार ९ सय ५३ रुपैयाँको बजेट सार्वजनिक गरेको छ । डुंगेश्वरले पुँजीगततर्फ १३ करोड ३१ लाख ७२ हजार ९ सय ५३ रुपैयाँ र चालुतर्फ २८ करोड ५० लाखको बजेट सार्वजनिक गरेको वरिष्ठ लेखा अधिकृत टंकबहादुर कार्कीले जानकारी दिए ।
गुराँस गाउँपालिकाले ७३ करोड ६१ लाख ४४ हजार ९ सय ५५ रुपैयाँ २४ पैसाको बजेट सार्वजनिक गरेको प्रमुख प्रशासकीय अधिकृत दिलबहादुर पौडेलले बताए । गुराँसले पुँजीगततर्फ १६ करोड १६ लाख र चालुतर्फ ४३ करोड ९५ लाख ४४ हजार ९ सय ५५ रुपैयाँ २४ पैसा र वित्तीय व्यवस्थापनतर्फ १३ करोड ५० लाखको बजेट विनियोजन गरेको हो ।
यस्तै, आठबीस नगरपालिकाले आागामि आर्थिक वर्षका लागि ५५ करोड ८८ लाख ६१ हजार ५ सय ८५ रुपैयाँ ७८ पैसा बराबरको बजेट सार्वजनिक गरेको नगरपालिकाका सूचना अधिकारी देवराज तिमिल्सेनाले बताए । उनका अनुसार आठबीसले डल्लो बजेट सार्वजनिक गरेकाले कार्यपालिकामा छलफलपछि पुँजीगत र चालुतर्फ बजेट विनियोजन हुनेछ । यसैगरी, भैरवी गाउँपालिकाले आगामी आर्थिक वर्षका लागि ४९ करोड ९९ लाख ९० हजारको बजेट सार्वजनिक गरेको छ ।
सार्वजनिक बजेट चालु र पुँजीगततर्फ विनियोजन नभएको गाउँपालिकाका सूचना अधिकारी मिलनप्रसाद शर्माले बताए । सार्वजनिक गरिएको डल्लो बजेटलाई कार्यपालिकामा थप छलफलपछि विषयगत क्षेत्रमा विनियोजन हुने जनाइएको छ ।
महाबु गाउँपालिकाले आगामी आर्थिक वर्षका लागि ४९ करोड ४० लाख ४२ हजार ७ सय २२ रुपैयाँको बजेट सार्वजनिक गरेको छ । जसमा चालुतर्फ ३३ करोड ८० लाख ६२ हजार ७ सय २२ र पुँजीगततर्फ १५ करोड ५९ लाख ८० हजार रुपैयाँको विनियोजन गरिएको हो । ठाटीकाँध गाउँपालिकाले आगामी आर्थिक वर्षका लागि ४१ करोड ५० लाख ३१ हजार ५९ रुपैयाँको बजेट ल्याएको छ । जसमा चालुतर्फ २४ करोड २५ लाख ३५ हजार ५९ रुपैयाँ र पुँजीगततर्फ १७ करोड २४ लाख ९६ हजार रहेको प्रमुख प्रशासकीय अधिकृत तुलसीप्रसाद उपाध्यायले बताए ।
यसैगरी, नौमूले गाउँपालिकाले आर्थिक वर्ष २०८२/०८३ का लागि ५६ करोड ८ लाख ६६ हजार ८ सय ३३ रुपैयाँको बजेट सार्वजनिक गरेको छ । जसमा चालुतर्फ ३६ करोड २७ लाख ७७ हजार ८ सय ३३ रुपैयाँ र पुँजीगततर्फ १९ करोड ८० लाख ८९ हजार विनियोजन गरिएको लेखा अधिकृत कविराज न्यौपानेले जनाए ।
नारायण नगरपालिकाले आर्थिक वर्ष २०८२/०८३ का लागि ५६ करोड ४४ लाख ७९ हजार ४ सय २९ रुपैयाँको बजेट सार्वजनिक गरेको छ । जसमा चालुतर्फ ४५ करोड ७० लाख ९२ हजार र पुँजीगततर्फ १० करोड ७३ लाख ७७ हजार ४ सय २९ रुपैयाँ विनियोजन गरिएको प्रमुख प्रशासकीय अधिकृत रेशमबहादुर बुढाले जनाए ।चामुण्डा–विन्द्रासैनी नगरपालिकाले आगामी आर्थिक वर्षका लागि ४८ करोड ४३ लाख ३ हजार ८८ रुपैयाँको बजेट सार्वजनिक गरेको छ ।
प्रतिक्रिया दिनुहोस !
