रोल्पा : पूर्व सभामुखद्वय कृष्णबहादुर महरा र ओनसरी घर्तीले रोल्पाबाट मतदान गरेका छन् । पूर्व सभामुख महराले रोल्पा नगरपालिका-१ मेबाङ र घर्तीले रोल्पा नगरपालिका-७ माडीचौर बाल उदय मावि मतदान स्थलबाट मतदान गरेका हुन् । दुवैजना नगरवासी हुन् ।
नेपाली कम्युनिस्ट पार्टीका नेता समेत रहेका महरा सदरमुकाम लिबाङ आसपासका गाउँमा चुनावी प्रचार गर्न पुगेका थिए । अस्वस्थताका कारण जिल्लाभर चुनावी प्रचारमा देखिएका थिएनन् । केही साताअघिदेखि घरमै रहेका नेता महरा घर नजिकैको मतदान केन्द्रमा बिहानै पुगेर मतदान गरेका हुन् ।
महरा २०७० सालको चुनावमा रोल्पाबाट बिजयी भएका थिए । त्यसपछि दाङबाट उम्मेदवार भएर बिजयी भएका थिए । यसपाली प्रत्यक्षतर्फ उम्मेदवार नरहेका महरा उतिसारो प्रचार-प्रसारमा देखिएनन् ।
नेकपाबाट उम्मेदवार रहेका पूर्व अर्थमन्त्री वर्षमान पुन (अनन्त) का पत्नी समेत रहेकी पूर्व सभामुख ओनसरीले पनि मतदान गरेकी छन् । घर्ती दम्पतिले एकै मतदान स्थलबाट मतदान गरेका हुन् ।
प्रतिक्रिया दिनुहोस !
