जीमेल प्रयोगकर्तालाई ‘झट्का’ : यी काम नगरे ‘स्टोरेज’ पाँच जीबीमा घट्ने

भारत : जीमेल प्रयोगकर्ताहरूलाई ठूलो झट्का लाग्न सक्ने भएको छ । गुगलले अब जीमेलसँग पाइने ‘फ्रि स्टोरेज’ मा सीमितता लगाउने तयारी गरिरहेको छ । हाल गुगलले व्यक्तिगत अकाउन्टका लागि राम्रो मात्रामा निःशुल्क स्टोरेज दिन्छ, जुन गुगल ड्राइभ, गुगल फोटो र र जीमेलबीच सम्बन्धित हुन्छ । तर यो सीमा चाँडै परिवर्तन हुन सक्छ ।

एक रिपोर्टअनुसार केही प्रयोगकर्ताहरूले नयाँ गुगल अकाउन्टका लागि स्टोरेज सीमा घटाउने परीक्षण भइरहेको देखेका छन्, जुन सामान्य रूपमा पाइने १५ जीबी भन्दा कम हो । धेरै वर्षदेखि गुगलले नयाँ अकाउन्ट बनाउने प्रयोगकर्तालाई १५ जीबी क्लाउड स्टोरेज उपलब्ध गराउँदै आएको छ । यदि कम्पनीले नयाँ प्रयोगकर्ताका लागि निःशुल्क स्टोरेज घटायो भने, धेरै स्टोरेज चाहिने प्रयोगकर्ताले गुगल वानको सदस्यता लिनुपर्ने हुन सक्छ ।
 

गुगलले जीमेलको फ्रि स्टोरेज घटाउने परीक्षण गर्दै
रेडिट र एक्समा आएका विभिन्न प्रयोगकर्ताको रिपोर्टअनुसार, गुगलले नयाँ जीमेल अकाउन्टका लागि फ्रि स्टोरेजलाई ५ जीबीमा सीमित गर्ने परीक्षण गरिरहेको देखिएको छ, यदि प्रयोगकर्ताले आफ्नो अकाउन्टमा फोन नम्बर नजोडेसम्म । फोन नम्बर भेरिफाइ गर्ने प्रयोगकर्तालाई भने सामान्य १५ जीबी निःशुल्क स्टोरेज दिइन्छ ।

प्रयोगकर्ताले फोन नम्बर लिंक नगर्ने विकल्प अझै पनि रोज्न सक्छन्, तर त्यसो गर्दा उपलब्ध स्टोरेज ५ जीबीमा सीमित हुने बताइएको छ । केही प्रयोगकर्ताले यस कदमको आलोचना गर्दै कम्पनीले थप प्रयोगकर्ता डेटा संकलन गर्न खोजेको बताएका छन् । अर्कोतर्फ, केहीको भनाइमा यसले स्पाम अकाउन्ट कम गर्न मद्दत गर्न सक्छ ।

हाल गुगलले नयाँ जीमेल अकाउन्ट खोल्ने सबैलाई १५ जीबी निःशुल्क क्लाउड स्टोरेज दिन्छ । धेरै मानिसहरू अतिरिक्त स्टोरेजका लागि पैसा तिर्नुको सट्टा धेरै जीमेल अकाउन्ट बनाएर स्टोरेज सीमा बढाउने उपाय अपनाउँछन् । कम्पनीले केही नयाँ अकाउन्टका लागि फ्रि स्टोरेज सीमित गरेर यही अभ्यास रोक्न खोजेको हुन सक्छ ।

रिपोर्टअनुसार यो परीक्षण हाल केन्या र नाइजेरिया जस्ता अफ्रिकी देशका केही प्रयोगकर्तासम्म सीमित छ । यद्यपि, यो व्यापक रूपमा लागू गर्नु अघि गरिएको परीक्षण मात्र पनि हुन सक्छ । यो समाचार लेखिँदासम्म, जीमेलको आधिकारिक सपोर्ट पेजमा नयाँ अकाउन्टले अझै पनि १५ जीबी निःशुल्क स्टोरेज पाउने उल्लेख गरिएको छ । धेरै स्टोरेज चाहिने प्रयोगकर्ताले गुगल वन योजना लिन सक्छन् ।

कम्पनीका एक प्रवक्ताले एन्ड्रोइड अथोरिटीलाई भनेका छन्, ‘हामी केही छनौट भएका क्षेत्रहरूमा बनाइएका नयाँ अकाउन्टका लागि नयाँ स्टोरेज नीतिको परीक्षण गरिरहेका छौं । यसले प्रयोगकर्तालाई उच्च गुणस्तरको स्टोरेज सेवा निरन्तर उपलब्ध गराउन मद्दत गर्नेछ, साथै अकाउन्ट सुरक्षा र डेटा रिकभरी सुधार गर्न पनि प्रोत्साहन गर्नेछ ।’

गुगल वन योजनाको मूल्य
भारतमा ३० जीबी स्टोरेज भएको गुगल वन लाइट योजना प्रतिमहिना ५९ रुपैयाँमा उपलब्ध छ । १०० जीबी (बेसिक) योजना प्रतिमहिना १३० रुपैयाँमा उपलब्ध छ भने २ टीबी (प्रिमियम) योजनाको मूल्य प्रतिमहिना ६५० रुपैयाँ रहेको छ ।