काठमाडौंबाट साढे १४ हजार अमेरिकी डलर लिएर रसुवा जाँदै गरेका एकजना पक्राउ
जेठ १२, २०८३ मंगलबार १७:१४:२३
काठमाडौं : काठमाडौंबाट साढे १४ हजार अमेरिकी डलर लिएर रसुवा जाँदै गरेका एकजना पक्राउ परेका छन्। पक्राउ पर्नेमा ओखलढुंगाको ठुलाछाप गाउँपालिका-२ का ३७ वर्षीय मिन बहादुर मगर रहेका छन्।
पासाङ ल्हामु सडक खण्डको रसुवास्थित बेत्रावतीमा नियमित रूपमा चेकजाँच गर्ने क्रममा काठमाडौंबाट टिमुरे तर्फ जाँदै गरेको बा.प्र.०१००६ ख ७६०७ नम्बरको यात्रुबाहक बसमा रहेका उनी परेका हुन्। उनको साथबाट अमेरिकी डलर १०० को १४५ थान फेला परेको सूचना अधिकारी एवं प्रहरी निरीक्षक राजु शाहले बताए।
उनलाई थप अनुसन्धानका लागि राजस्व अनुसन्धान पठाइएको प्रहरीले जनाएको छ।
प्रतिक्रिया दिनुहोस !
