इरान : इरानले अमेरिकी सैन्य बेसमा ठूलो हमला गरेको छ । यस भीषण आक्रमणमा धेरै अमेरिकी सैनिक घाइते भएको खबर सार्वजनिक भएको छ । आक्रमणमा अमेरिकी सेनाका अत्याधुनिक र घातक ‘रीपर ड्रोन’ हरू मा पनि ठूलो क्षति भएको बताइएको छ । दुवै देशबीचको नाजुक युद्धविराम अहिले टुट्ने अवस्थामा पुगेको छ ।
इरानी सेनाले बिहीबार बिहान अमेरिकी एयर बेसलाई निशाना बनाएको इरानको इस्लामिक रिभोलुसनरी गार्ड कोर (आइआरजीसी) ले दावी गरेको छ । रातको समयमा इरानको दक्षिणी क्षेत्र, विशेष गरी बन्दर अब्बास क्षेत्रमा आक्रमण गरिएको थियो । इरानी सरकारी सञ्चारमाध्यमका अनुसार यो कारबाही ‘अमेरिकी आक्रामकको’ प्रतिशोध हो । अमेरिकी अधिकारीहरूले पनि यो आक्रमण भएको पुष्टि गरेका छन् । उनीहरूका अनुसार पछिल्ला २४ घण्टामा इरानले कुवेतस्थित ‘अली अल सलेम एयर बेस’ मा ब्यालेस्टिक मिसाइल प्रहार गरेको थियो । यद्यपि कुवेतको एयर डिफेन्स प्रणालीले ‘फतेह–११०’ मिसाइललाई आकाशमै रोक्न सफल भयो, तर त्यसका टुक्राहरू बेसभित्र खसेपछि केही अमेरिकी सैनिक घाइते भएका छन् ।
अमेरिकाका दुई अत्याधुनिक MQ–९ रीपर’ स्ट्राइक ड्रोनमा ठूलो क्षति पुगेको छ । तीमध्ये एउटा ड्रोन पूर्ण रूपमा नष्ट भएको छ भने कम्तिमा अर्को एक ड्रोन गम्भीर रूपमा क्षतिग्रस्त भएको छ । एक MQ–९ रीपर ड्रोनको मूल्य करिब ३ करोड अमेरिकी डलर पर्छ । यी ड्रोनहरू अमेरिकी रक्षा प्रणालीका अत्यन्त महत्वपूर्ण हिस्सा हुन्, जसको प्रयोग मुख्यतः निगरानी र सटीक हवाई आक्रमणका लागि गरिन्छ । यस्ता ड्रोनमा भएको क्षतिलाई अमेरिकी सेनाका लागि ठूलो धक्का मानिएको छ ।
ट्रम्प युद्धविराम सम्झौताको विषयमा विचार गर्दै, तर निर्णय भएन
यसबीच, अमेरिकी राष्ट्रपति डोनाल्ड ट्रम्पले आफ्नो आधिकारिक निवास तथा कार्यालय ‘व्हाइट हाउस’ मा शुक्रबार आफ्ना सल्लाहकारहरूसँग बैठक गरेका छन् । तर इरानसँग युद्धविराम अवधि बढाउने र स्ट्रेट अफ होर्मुज पुनः खोल्ने सम्बन्धी प्रस्तावित सम्झौतामा कुनै अन्तिम निर्णय भएको छैन ।
इरानले पनि यो सम्झौता अझै अन्तिम नभएको बताएको छ । बैठकअघि ट्रम्पले यस विषयमा ‘अन्तिम निर्णय’ गर्ने बताएका थिए । तर पछि प्रशासनका एक वरिष्ठ अधिकारीका अनुसार करिब दुई घण्टा चलेको राष्ट्रिय सुरक्षा सल्लाहकारहरूसँगको बैठक कुनै निर्णय बिना समाप्त भएको हो । अधिकारीले नाम नबताउने शर्तमा बताएअनुसार ट्रम्पले केवल त्यही सम्झौता स्वीकार गर्नेछन्, जसले उनका ‘निर्धारित शर्तहरू’ पूरा गर्छ र इरानको आणविक महत्वाकांक्षालाई नियन्त्रणमा राख्छ ।
ट्रम्पले यो उच्चस्तरीय बैठक त्यस्तो समयमा गरेका हुन्, जब एक दिनअघि केही सञ्चारमाध्यमहरूले अमेरिका र इरानबीच प्रारम्भिक सम्झौता भएको दाबी गरेका थिए । उक्त प्रस्तावअनुसार हालको नाजुक युद्धविरामलाई ६० दिनका लागि विस्तार गर्ने र इरानको विवादित आणविक कार्यक्रमबारे पुनः वार्ता सुरु गर्ने योजना थियो ।
प्रतिक्रिया दिनुहोस !
