एजेन्सीः सामान्य अवस्थामा १० वर्षे बालकको तौल कति होला ? १८ केजी,३० केजी वा ४० केजी । तपाईंले गर्ने अनुमान यस्तै होला । तर, इण्डोनेसियाको एक गाउँमा रहेका १० वर्षे बालकको तौल सुन्नुभयो भने तपाईं आश्चर्यचकित हुनुहुनेछ ।
इण्डोनेसियाको ग्रामिण समुदायमा रहेका १० वर्षे आर्या परमानाको तौल १९२ केजी छ । अत्यधिक मोटोपनाका कारण यि बालक न राम्ररी हिँड्न सक्छन् न त विद्यालय नै जान सकेका छन् ।
उनी दिनभर आफ्नो शरीरमा एउटा कपडा बाँधेर बस्ने गरेका छन् । बजारमा उनलाई ठीक हुने कपडा नपाएर सादा कपडा बेरेर राख्नु परेको हो ।
आर्यालाई दम, निन्द्रा नलाग्ने जस्ता बिराम छन् । चिकित्सकहरुले उनलाई कम खाना खान (डाइट गर्न) सल्लाह दिएका थिए । चिकित्सकको सल्लाह नमानेर बढी खाना खाँदा उनको तौल झन बढ्दै गएको छ ।
आर्यालाई हेर्न टाढा टाढाका मान्छेहरु पनि आउने गरेका छन् । उनलाई विश्वको सबैभन्दा मोटो बच्चा मान्ने गरिएको छ । उनी आमाका अनुसार आर्याले दिनमा पाँच पटक ह्याभी खाना खाने गरेका छन् । उनी बच्चा अवस्थामा सामान्य रहेपनि अचानक तौल बढेको परिवारका सदस्यहरुले बताएका छन् ।
प्रतिक्रिया दिनुहोस !
