नरेन्द्र मोदी संसदमै निदाएपछि..
एजेन्सीः केही समय अघि संसद बैठक चलिरहेका बेला भारतीय कांग्रेसका उपाध्यक्ष राहुल गान्धी सुतेको तस्बिर र भिडियो सामाजिक सञ्जालमा भाइरल भयो।
यसै विषयमा #SleepingBeautyRahul(#स्लीपिङ्गब्यूटीराहुल) ट्रेन्ड नै चल्यो । राहुल सुतेको तस्बिर सार्वजनिक भएपछि सामाजिक सञ्जालमा भारतीय प्रधानमन्त्री नरेन्द्र मोदी र उनका मन्त्री निदाएका तस्बिर भाइरल भइराखेका छन् ।
कतिपयले भने राहुल गान्धी नसुतेको तर मजाक उडाउन उनको यस्तो तस्बिर सार्वजनिक गरिएको आरोप लगाएका छन्। यही विषयले चर्चा पाइराखेका बेला सदनमा मोदी निदाउदै गरेको तस्बिर सामाजिक सञ्जालमा भाइरल भयो ।
यत्तिमा मात्र यो सीमित भएन भारतीय वित्तमन्त्री अरुण जेटली समेत सदनमा निदाएको तस्बिर सार्वजनिक भयो । एउटा तस्बिर सामाजिक सञ्जालमा सार्वजनिक भएपछि भारतीय धेरै सांसद सदनमा निदाएका तस्बिर भाइरल भएका छन् ।
प्रतिक्रिया दिनुहोस !
