कपिलवस्तुमा एक युवकको गोली हानी हत्या
कपिलवस्तुः कपिलवस्तुको सौराहा–३, बेलभरियामा एक युवकको हत्या भएको छ।
घरबाहिर आँगनमा सुतिरहेका २८ वर्षीय राजु मलाहाको गएराति करिब साढे १ बजेतिर हत्या भएको जिल्ला प्रहरी प्रमुख एसपी विष्णु केसीले जानकारी दिए।
अज्ञात समूहले मलाहाको गोली हानेर हत्या गरिएको हुनसक्ने अाशंका प्रहरीले गरेको छ।
एसपी केसीका मलाहा बाहिर आँगनमा सुतेको र परिवारका अन्य सदस्यहरु घरमाथि छतमा सुतेकाले घटनाबारे परिवारका सदस्यहरुले निकै ढिलो थाहा पाएका थिए।
मृतकको शवलाई पोष्टमार्टमका लागि जिल्ला अस्पताल पठाइएको र पोष्टमार्टम रिपोर्ट आएपछि मात्रै गोली हानेर हत्या भएको हो वा होइन भन्नेबारे खुल्ने एसपी केसीले बताए।
मृतकको निधारमा गोली लागेको जस्तो देखिएपछि गोलीको खोका भने नभेटिएको उनले बताए। घटनाबारे थप अनुसन्धान भइरहेको केसीले बताए।
प्रतिक्रिया दिनुहोस !
८
