काठमाडौः आईएमई लिमिटेडले दसैंतिहार लक्षित योजनाको तेस्रो र चौथो हप्ताका भाग्यशाली बिजेता घोषणा गरेको छ । मलेसिया र डेनमार्कबाट पैसा पठाउने आईएमई सेवाग्राही आङ्ग नर्बु शेर्पा र सरोज श्रेष्ठ भाग्याशाली घोषित भएका छन् ।
बिजेता दुबैले युएम पावर म्याक्स स्कुटी प्राप्त गरेका छन् । बिजेताले सिफारिस गरेका नेपालमा रहने आफन्तले पुरस्कार प्राप्त गर्न सक्ने बैंकले जनाएको छ । फेसबुक लाइभमार्फत सार्वजनिक गरिएको उक्त कार्यक्रममा आईएमईका फाईनान्स कन्ट्रोलर दीपक शर्मा र वरिष्ठ प्रबन्धक खिलेन्द्र पौडेलको उपस्थिति रहेको थियो ।
यही आश्विन १ देखि ३०सम्म सञ्चालन भएको “आईएमई हात हुँदैन खाली” योजनामा नेपालका एक सय ४७ आईएमई सेन्टरसहित ५ हजार दुई सय भन्दा बढी रेमिटेन्स भुक्तानी काउन्टर तथा साझेदार बैंक तथा वित्तीय संस्थाहरुका देशभरि फैलिएर रहेका विभिन्न शाखाबाट सेवाग्राही सहभागी भएका थिए ।
यो योजनामा विदेशबाट आईएमई गर्नेको हकमा प्राप्तकर्ताले आईएमई ब्रान्डेड टि–सर्ट, क्याप, टर्च, सपिङ्ग झोला, पेन, स्टेशनरी सेट आदि निश्चित उपहार पाउन सक्नेछन् । प्रत्येक हप्ता १ जनाले एक थान युएम स्कुटर उपहार स्वरूप प्राप्त गर्न सक्ने कम्पनीले जनाएको छ ।
प्रतिक्रिया दिनुहोस !
