लोकमानको सचिवालयका दश सुरक्षाकर्मी फिर्ता
काठमाडौंः अख्तियार दुरुपयोग अनुसन्धान आयोगका निलम्बित प्रमुख आयुक्त लोकमानसिंह कार्कीको सचिवालयमा कार्यरत दशजना सुरक्षाकर्मीलाई प्रहरी प्रधान कार्यालयमा फिर्ता पठाएको छ ।
कायममुकायम प्रमुख आयुक्त दीप बस्न्यातको निर्णय अनुरुप उनीहरुलाई पहिले दरबन्दी कायम रहेको प्रहरी मुख्यालयमै काज फिर्ता गरिएको हो ।
अख्तियार स्रोतका अनुसार काज फिर्ता हुनेमा आठजना नेपाल प्रहरी र दुईजना सशस्त्रका छन् । काज फिर्ता हुनेमा नेपाल प्रहरीका प्रहरी निरिक्षक रञ्जन दाहाल, ठगबहादुर केसी, सुरज बस्नेत, जयश्वर रिमाल, रञ्जन बस्नेतलगायत छन् ।
यसैबचि नेपाल प्रहरीका डिआइजी देवेन्द्र सुवेदी अख्तियारमा सरुवा भएका छन् । उनी प्रहरी प्रधान कार्यालयको महानिरिक्षक सचिवाललयमा कार्यरत थिए । उनले विगतमा अपराध महाशाखा, लागुऔषध नियन्त्रण व्यूरो तथा मध्य क्षेत्र प्रमुख रहेर काम गरिसकेका छन् ।
प्रतिक्रिया दिनुहोस !
