पुरानै संरचनामा स्थानीय चुनाव गर्नुपर्छः प्रधानमन्त्री प्रचण्ड
मंसिर २३, २०७३ बिहीबार १५:३७:०
धनगढीः प्रधानमन्त्री एवम् नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले स्थानीय निकायको निर्वाचनको तयारीमा लाग्न कार्यकर्तालाई निर्देशन दिएका छन् ।
कैलालीको गेटामा बिहीबार आयोजित पार्टीको प्रदेशस्तरीय प्रशिक्षण कार्यक्रममा बोल्दै प्रधानमन्त्री दाहालले स्थानीय निकायको निर्वाचन नयाँ संरचनामा सहमति नभए पुरानै संरचनाका आधारमा हुने बताए ।
लोकतान्त्रिक गणतन्त्रलाई संस्थागत गर्न पनि चुनाव अपरिहार्य रहेको उल्लेख गर्दै प्रधानमन्त्री प्रचण्डले सकेसम्म नयाँ बन्ने संरचनाअनुसार चुनाव गर्ने तयारी भइराखेको प्रष्ट पारे ।
‘नयाँ बन्ने संरचना अनुसार चुनाव गर्नुपर्छ । यो सवालमा सहमति हुन नसकेमा पुरानै संरचनाको स्थानीय निकायको चुनाव गर्न पनि तयार हुनुपर्छ,’ प्रधानमन्त्री प्रचण्डले भने ।
उनले व्यवस्थापिका–संसद्मा दर्ता भएको संविधान संशोधन विधेयक फिर्ता नहुने दोहोर्याएका छन् । रासस
प्रतिक्रिया दिनुहोस !
