झापामा १६ किलो गाँजासहित एक वृद्ध पक्राउ
दमकः झापाको दमक १६ किलो गाँजासहित एक वृद्ध पक्राउ परेका छन्। कमल गाउँपालिका–६ मंगलबारेबाट १६ किलो गाँजासहित आइतबार बिहान दमक–७ का ६० वर्षीय टेकबहादुर लिम्बु पक्राउ परेको इलाका प्रहरी कार्यालयका प्रमुख प्रहरी नायव उपरीक्षक राजन लिम्बुले जानकारी दिए।
मे ४ प ९०८२ नम्बरको स्कुटरमा गाँजा राखेर दमकबाट गौरादहतर्फ लैजाँदै गरेको अवस्थामा उनलाई पक्राउ गरिएको प्रहरी नायव उपरीक्षक लिम्बुले जानकारी दिए। स्कुटरको अगाडि पट्टी दुईवटा बोरामा गाँजा राखेर गौरादहतर्फ जाँदै गरेको गोप्य सुचनाका आधारमा खटिएको प्रहरीको टोलीले लिम्बुलाई पक्राउ गरेको हो। पक्राउ परेका लिम्बुमाथि थप अनुसन्धान सुरु गरिएको प्रहरीले जनाएको छ।
प्रतिक्रिया दिनुहोस !
५
