दिपायलको एक पेट्रोल पम्पमा भीषण आगजनी
दिपायल : साबिकको सुदूरपश्चिमको क्षेत्रीय सदरमुकाम दिपायलको मुख्य बजार पिपल्लामा आगलागी भएको छ। पिपल्ला स्थित जेबी आयल स्टोरमा आगलागि हुँदा ठुलो मात्रामा पेट्रोल तथा डिजेलको क्षति भएको छ। जेबी आयल स्टोरमा डिजेल खन्याउन राखिएको डिजेलको ट्यांकरबाट सुरु भएको आगो जेबी आयल स्टोरमा समेत लागेको छ।
जेबी आयल स्टोर संगै रहेको खाजाघर र सुनचाँदी पसल आगलागीका कारण पूर्णरुपमा जलेका छन्। अहिले नेपाली सेना, नेपाल प्रहरीलगायत स्थानीयहरुले आगो नियन्त्रण गरिरहेका छन्।
क्षेत्रीय प्रहरी तालिम केन्द्र दिपायलको लम्कलले समेत आगो नियन्त्रणको प्रयास गरिरहेको छ। जेबी आयल स्टोरका मालिक प्रकाश कपडेलका अनुसार पेट्रोल पम्पमा पेट्रोल तथा डिजेल गरी करिब एक हजार डिटर रहेको र डिजेलको ट्याङ्करमा १२ हजार लिटर डिजेल रहेको थियो।
आगलागीबाट मानवीय भने क्षति भने नभएको र अन्य क्षतिको विवरण आउन समय लाग्ने जिल्ला प्रहरी कार्यालय डोटीले जानकारी दिएको छ।
प्रतिक्रिया दिनुहोस !
