अवरुद्ध नारायणगढ-मुग्लिन सडक खुल्यो
चितवन: पहिराे खसेपछि अवरुद्ध भएकाे नारायणगढ-मुग्लिन सडक खण्डको तीन घन्टापछि सञ्चालनमा अाएकाे छ। चितवनकाे चार किलो भन्ने ठाउँमा शुक्रबार बिहानदेखि सुख्खा पहिरो खसेपछि अवरुद्ध बनेको नारायणगढ-मुग्लिन सडकखण्ड अबरुद्ध भएकाे थियाे।
पहिरो पन्छयाउने काम सकिएपछि सडक सञ्चालनमा आएको नारायणगढ मुग्लिन सडक आयोजनाका इन्जिनियर शिव खनालले जानकारी दिनुभयाे।
उहाँका अनुसार, पहिरो बढी खसेपछि बिहान सवा ९ बजेबाट सडक अवरुद्ध भएको थियोे । सडक स्तरोन्नतिका क्रममा भित्तो काटिएको ठाउँमा तीन दिनयता सुख्खा पहिरो खसिरहेको थियो । करिब ३५ मिटरमाथिबाट पहिरो खसेको थियो ।
पहिरो खसेको ठाउँ मुग्लिनबाट चार किलोमिटर नारायणगढतर्फ कालीखोला र पाँच किलोको बीचमा पर्दछ । शुक्रबार नयाँ वर्षको पहिलो दिन भएकाले दैनिक रुपमा दिउँसो गरिँदै आएको आवागमन बन्द नगरिएको खनालले बताउनुभयो । रासस
प्रतिक्रिया दिनुहोस !
