बुटवलस्थित भाटभटेनीमा भीषण आगलागी
बुटवल : बुटवलको सुख्खानगरस्थित भाटभटेनी सुपरमार्केटमा आगलागी भएको छ। आइतबार बिहान विद्युत सर्ट भई आगो सुरु भएको हो। पाँच बजेबाट सुरु भएको आगो नियन्त्रणको प्रयास जारी रहेको प्रहरीले जनाएको छ।
६ तले भवनको छैठौँ तलामा आगो लागेको हो। छैठौँ तलाबाट सुरु भएको आगो पाँचौ तलामा समेत झरेको छ। आगो नियन्त्रणका लागि रुपन्देही, कपिलवस्तु र नवलपरासीबाट दमकल आएका छन्।
नेपाली सेना, शसस्त्र, प्रहरी तथा स्थानीयहरु आगो नियन्त्रणमा लागेका छन्। माथिल्लो तलमा आगो लागेकाले आगो निण्न्त्रणमा लिन कठिन भएको छ। दमकलको पानी माथिल्लो तलमासम्म पुग्न कठिन भएपछि आगो समयमै नियन्त्रणमा आउने नसकेको हो। यद्यपि थप क्षतिको सम्भावना भने टरेको छ।
आधा दर्जन दमकललाई सेनाले अग्नि नियन्त्रणका लागि प्रयोग गरेको छ। भाटभटेनी सुपर मार्केट करिव डेढ वर्षअघि मात्रै सञ्चालनमा आएको थियो। इलेक्ट्रोनिक र कार्पेट राखिएको तलमा आगो लागेको हो। ती सामानहरू जलेर नष्ट भएका छन्।
क्षतिको पूर्ण विवरण भने आइसकेको छैन।
प्रतिक्रिया दिनुहोस !
