ज्यान मुद्धाका चार अभियुक्त पक्राउ
![ज्यान मुद्धाका चार अभियुक्त पक्राउ](https://annapurnapost.prixacdn.net/media/albums/pakrau-_20180515091410_5zBOYy6trP.jpg)
फिदिम : कर्तव्य ज्यान मुद्धाका चारजना अभियुक्तलाई पाँचथर प्रहरीले पक्राउ गरी अनुसन्धानका लागि हिरासतमा राखेको छ। तुम्बेवा ५ बस्ने सन्त राई, सुरज राई, मदर राई र राजन चाम्लिङलाई ज्यान मुद्धाको अभियोगमा प्रहरीले पक्राउ गरेको हो।
गत फागुन २३ गते तुम्बेवा ५ बस्ने तेजेन्द्र राईको हत्या गरी अम्लिसो बारीमा फालेको आरोप लागेका चारजनालाई प्रहरीले पक्राउ गरेको हो। छिमेकीको घरमा विवाहको निम्तो मान्न गएका तेजेन्द्रलाई फागनु २४ गते अम्लिसो बारिमा मृत अवस्थामा भेटिएको थियो।
मृत्कका बुवा मनकुमार राईले दिएको जाहेरीको आधारमा चारजना युवालाई अनुसन्धानका लागि पक्राउ गरिएको पाँचथरका प्रहरी नायब उपरीक्षक बामदेव गौतमले जानकारी दिए। पक्राउ परेका चारैजनालाई जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)