काठमाडौं : नेपाल कम्युनिस्ट पार्टीको प्रचण्ड–माधव समूह निकटको विद्यार्थी संगठन अनेरास्ववियूले काठमाडौंमा मसाल जुलुस निकालेको छ ।
बुधबार काठमाडौंको बागबजारस्थित अनेरास्ववियुको कार्यालयबाट सुरु भएको मसाल जुलुस पद्म कन्या क्याम्पससम्म पुगेर पुन अनेरास्ववियुको कार्यालय परिसरमा कोणसभामा परिणत भएको थियो ।
पार्टी अध्यक्ष एवम् प्रधनमन्त्री केपी ओलीले प्रतिनिधिसभा विघटन गरेको विरोधमा नेकपाले मसाल जुलुस प्रदर्शन गरेको हो ।
पुस ५ गते ओलीले संसद् विघटन गरेपछि नेकपा दुई समूहमा विभाजित भएको छ । एउटा समूहको नेतृत्व प्रधानमन्त्री ओलीले गरेका छन् भने अर्को समूहको नेतृत्व अध्यक्ष पुष्पकमल दाहाल ‘प्रचण्ड’ र माधवकुमार नेपालले गरेका छन् । तस्बिर : विकास कार्की 
प्रतिक्रिया दिनुहोस !
