विराटनगर : विराटनगर महानगरपालिकाका लागि सत्तागठबन्धन दलबाट विराटनगरको मेयर र उपमेयरमा मनोनयन दर्ता भएको छ । मेयरमा नेपाली कांग्रेसका नागेश कोइराला र उपमेयरमा जनता समाजवादी पार्टीका अमरेन्द्र यादवले मनोनयन दर्ता गराएका हुन ।
मनोनयन दर्ता गर्दै कोइरालाले विराटनगरवासी सन्तुष्ट भएको हेर्न चाहेको बताए । कोइराला मोरङ कांग्रेसका उपसभापति हुन् भने यादव जसपा विराटनगरका अध्यक्ष हुन् । यसअघि विराटनगरको मेयरमा नेपाली कांग्रेस वीपीबाट रामचन्द्र गौतम र उपमेयमा माया ओझाले मनोनयन दर्ता गरेका थिए ।
मनोनयनको पहिलो दिन आइतबार मेयरमा ३ जनासहित ५६ जनाले मनोनयन दर्ता गरेको मुख्य निर्वाचन अधिकृत भरत लम्सालले बताए ।
प्रतिक्रिया दिनुहोस !
