काठमाडौं : अटोमोबाइल्स कम्पनीबीच पछिल्लो समय इलेक्ट्रिक गाडी उत्पादन गर्ने होडबाजी चलेको छ । विश्व अटो बजारमा नाम कमाएका चर्चित गाडी उत्पादन कम्पनीले कन्सेप्ट अफ इलेक्ट्रिक कारको अवधारणा अगाडि बढाइसकेका छन् । इलेक्ट्रिक कारले वातावरण स्वछ राख्न मद्दत गर्छ भने सवारी प्रयोगकर्ताका लागि पनि अतिरिक्त खर्च कम हुन्छ । सुरुको लागत भने केही बढी हुन सक्छ । यी हुन् सन् २०१७ मा विश्व बजारमा भित्रिएका उत्कृष्ट पाँच इलेक्ट्रिक कार
रेनोल्ट जोई
यो कार आकर्षक र सुपरमिनी डिजाइनमा तयार पारिएको छ । यसमा चार जनासम्म बस्न मिल्छ । यसले चार सय किलोमिटरसम्म माइलेज दिने गरी ४१ किलोवाटको लिथियम ब्याट्री जडान गरिएको छ । यसले ८८ हर्सपावर र एक सय ६२ एलबी टर्क उत्पादन गर्छ ।
बीएमडब्लू आईथ्री
बीएमडब्लू आईथ्री लक्जरी कार उत्पादन गर्ने कम्पनी हो । कारको भित्री भागमा कार्बन फाइभर र बाहिर आल्मुनियमको स्ट्रक्चर दिइएको छ । यसले एक सय ७० हर्सपावरको शक्ति उत्पादन गर्छ ।
फक्सवागन इ–गल्फ
फक्सवागन इ–गल्फ जमर्नीमा निर्मित इलेक्ट्रिक कार हो । एक सय ४० किलोमिटर अधिकतम गतिमा गुड्न सक्ने कारमा २४.२ किलोवाट लिथियम ब्याट्री प्रयोग गरिएको छ भने एक सय १४ हर्सपावर शक्ति उत्पादन गर्छ ।
होन्डा आयोनिक
होन्डाको इलेक्ट्रिक सेग्मेन्ट कार हो होन्डा आयोनिक । कारमा २८ किलोवाट लिथियम ब्याट्री राखिएको छ । चार घन्टा २५ मिनेट कर पूर्ण रूपमा चार्ज हुन्छ । एक पटक फुल चार्ज भएपछि एक सय ९९ किलोमिटरसम्म यात्रा गर्न सकिन्छ ।
प्रतिक्रिया दिनुहोस !
