काठमाडौं : यातायात कार्यालयका कर्मचारीको लापर्बाहीका कारण सवारीचालक अनुुमतिपत्र (स्मार्ट लाइसेन्स) लिने सेवाग्राही मारमा परेका छन् । अनुुमतिपत्र प्रदान गर्न खिचिएको फोटो धमिलो र केही समयपछि रंग उड्ने भएका कारण समस्या आएको छ । स्वयम्भूको ठूलो भर्याङस्थित यातायात व्यवस्था कार्यालयमार्फत अनुुमतिपत्र प्रदान गर्न लिइने फोटो गुुणस्तरहीन हुँदा सेवाग्राही सास्ती व्यहोर्न बाध्य छन् । कार्यालयले खिचेको फोटोमा अनुुहार प्रस्ट नहुँदा अनुुमतिपत्र लिन चाहनेले पटकपटक फोटो खिचाउनुुपर्ने बाध्यता छ । २०७४ भदौदेखि चैतसम्म प्रयोगात्मक परीक्षा (ट्रायल) पास गर्ने र नवीकरणका लागि आउने सेवाग्राहीको फोटोमा त्रुुटि भेटिएको कार्यालयले जनाएको छ । यो अवधिमा खिचिएका फोटो निकै मधुुरो र अनुुहार नचिनिने भएकाले सेवाग्राहीलाई पुुनः फोटो खिच्न अनुरोध गरिएको कार्यालय प्रमुख गोकर्णप्रसाद उपाध्ययले बताए । उनले भने, ‘असार मसान्तसम्म पुुनः फोटो खिच्न आउन सेवाग्राहीलाई अनुुरोध गरेका छौं । त्यो समयभित्रमा फोटो खिच्न आउने सेवाग्राहीले छिट्टै लाइसेन्स पाउँछन् । ’
सेवाग्राहीले अनुुमतिपत्रका लागि करिब नौ महिना कुुर्नुुपर्ने बाध्यता छ । लामो पर्खाइपछि अनुुमतिपत्र पाउने समयमा कार्यालयले फोटो मिलेन भनेर कम्तीमा सात दिनसम्म सेवाग्राहीलाई कुुराउँछन् । ठूलो भर्याङगस्थित कार्यालयबाट अनुुमति लिने सेवाग्राही काठमाडौंसहित अन्य जिल्लाका पनि हुुन्छन् ।
कार्यालयले अनुुमतिपत्रका लागि डिजिटल क्यामेराबाट सेवाग्राहीको फोटो खिच्ने गरेको छ । खिच्ने क्रममै फोटोको गुुणस्तर परीक्षण गर्न सकिन्छ । कर्मचारीले समयमा गुुणस्तर परीक्षण गर्न नसक्दा सेवाग्राहीले सास्ती व्यहोर्दै आएका छन् । कार्यालयले फोटोको गुुणस्तरसम्बन्धी समस्याका बारेमा यातायात व्यवस्था विभागलाई समेत कुुनै जानकारी गराएको छैन ।
विभागका निर्देशक तीर्थराज खनालले अहिलेसम्म सेवाग्राहीलाई प्रदान गरिने अनुुमतिपत्र प्रक्रियामा त्रुुटि भएको जानकारी आफूलाई प्राप्त नभएको दाबी गरे । निर्देशक खनालले भने, ‘कार्यालयले प्रयोग गर्दै आएको क्यामेराको गुुणस्तर राम्रो छैन भन्ने जानकारी पाएको छुु ।’ उनले समस्या समाधान गर्न आगामी आर्थिक वर्ष गुुणस्तरीय क्यामेरा खरिद गर्ने बताए ।
स्मार्ट कार्डमा पुुरानै सास्ती
सरकारले २०७२ मंसिरदेखि स्मार्ट लाइसेन्स वितरण प्रक्रिया सुुरु गरेको थियो । बागमती अञ्चल यातायात कार्यालयबाट सुरु भएको १८ महिनापश्चात उपत्यकाबाहिर पनि यो लाइसेन्स वितरण गर्ने प्रक्रिया थालिएको थियो । तत्कालीन समयमा मद्रास प्रिन्टर र विभागबीच एक लाख ६० हजार कार्ड र पाँच वटा प्रिन्टर खरिद गर्ने सम्झौता भएको थियो ।
पहिलो चरणमा वितरण गरिएको स्मार्ट लाइसेन्समै धेरै प्रकारका समस्या भेटिएको थियो । लाइसेन्समा सवारी चालकले कुुन वर्गको गाडीमा लाइसेन्स पाएको भन्ने विषय प्रष्ट खुुलाइएको थिएन । विभागले ‘ए’, ‘बी’, ‘सी’, ‘डी’, ‘इ’ वर्गमा लाइसेन्स जारी गर्छ । तर, प्रदान गरिएको ती लाइसेन्समा कुुन बर्गका लाइसेन्सधारीले कस्तो प्रकृतिको सवारी चलाउन पाउने हो भन्ने विषय उल्लेख थिएन ।
२०७२ सालमा वितरण गरिएको लाइसेन्सको फोटोको गुुणस्तर निकै न्यून अवस्थामा पाइएको थियो । लाइसेन्सको फोटोको आधारमा सवारीचालकलाई चिन्न हम्मेहम्मे परेको थियो । प्रदान गरिएको लाइसेन्समा भएको चिप्स झर्ने समस्या पनि आएको थियो । स्मार्ट लाइसेन्सको चिप्समा सवारीचालकको परिचयपत्र, सवारी नम्बरलगायत सवारी र चालक दुुवैको सम्पूर्ण तथ्यांक समावेश गरिएको हुुन्छ । सोही तथ्यांकका आधारमा ट्राफिक प्रहरीले सवारी र चालकलाई ट्र्याक गर्दै आएका छन् ।
इन्फोस्वयम्भूको ठूलो भर्याङस्थित यातायात व्यवस्था कार्यालयमार्फत अनुुमतिपत्र प्रदान गर्न लिइने फोटो गुुणस्तरहीन हुँदा सेवाग्राही सास्ती व्यहोर्न बाध्य छन् ।
प्रतिक्रिया दिनुहोस !
