लण्डन : संसारकै अति विकसित मुलुकमा पर्ने बेलायतमा हरेक वर्ष ६ सय जना घरबार विहीनहरुको चिसो, ड्रग्स र आत्महत्याको कारणले मृत्यु हुन्छ भन्दा अचम्म लाग्ला ।
तर आज बिबिसीले समाचारमा जनाए अनुसार ५ वर्षभित्र ईङ्ल्याण्ड र वेल्समा मात्रै २ हजार ६ सय २७ बेलायती घरबार बिहीनहरुको असमयमै मृत्यु भएको अभिलेखमा देखिएको छ ।
उक्त समाचार प्रशारण भएकै दिन आज बेलायतमा बसोबास गर्ने नेपालीले स्थानीय घरबारबिहीनका लागि खाना र न्यानो कपडा व्यवस्था गर्न च्यारिटीमार्फत सहयोग हस्तान्तरण गरेका छन् ।
बेजिङ्स्टकमा बसोबास गर्ने समाजसेवी शिवजी श्रेष्ठले यस्तो सहयोग हस्तान्तरण गरेका हुन् । उनले च्यारिटी कार्यक्रम मार्फत संकलन भएको रकम क्याम्रोज डे सेन्टर र नाइट लाइट विन्टर सेल्टर संस्थामार्फत हस्तान्तरण गरेका हुन् ।
यस अवसरमा स्थानीय बेजिङ्स्टक एन्ड डीन काउन्सिलका मेयर सोन केटिङले एक नेपालीले बेलायतमा रहेर बेलायती असहायहरुको लागि यस्तो कार्यक्रम गर्नु सह्रानीय कार्य भएको टिप्पणी गरे । उनले ‘नेपाली हृदयको सम्मान गर्छु’ भन्दै प्रसंसा समेत गरे ।
यस्तै स्थानीय लेबर पार्टीका अध्यक्ष तथा काउन्सिलर किम टेलरले बेलायतमा रहेका नेपालीहरु बेलायती समाजको अभिन्न अंग रहेको बताएका थिए । नेपाली परम्परागत सारंगी लगायत बाजाबाट सुरु भएको सांगितीक माहोलका माक्र च्यारिटी कार्यक्रम भएको थियो ।
सयपत्री सांस्कृतिक समाजका अध्यक्ष डम्बर सिंह, प्रभा बिक, विर्ष गुरुङ, शुभाशिश श्रेष्ठ, आरन एन्जल, एरिना लगायत कलाकारले कार्यक्रममा प्रस्तुती दिएका थिए ।
प्रतिक्रिया दिनुहोस !
