नेपालगन्ज : मेयर कप प्रोफेसनल साइकल दौडमा बुद्धिबहादुर तामाङ पहिलो भएका छन् । नेपालगन्ज साइक्लिङ क्लबले शनिबार आयोजना गरेको प्रतियोगितामा नुवाकोटका तामाङले निर्धारित दूरी एक घण्टा ५७ मिनेटमा पूरा गर्दै पहिलो स्थान हात पारे । प्रतियोगितामा एक घण्टा ५९ मिनेटका साथ रुकुमका हिक्मत विक दोस्रो र दुई घण्टा तीन मिनेटमा दूरी पार गर्दै जाजरकोटका अविनाशबहादुर बस्नेत तेस्रो भए ।
साइकल दौड बीपी चोक, कोहलपुर, च्यामा चोक, सम्झना चोक, खजुरा चोक, धम्बोजी हुँदै बीपी चोकसम्मको रुट तय गरिएको थियो । विजेतालाई क्रमशः ३५ हजार, ३० हजार र २५ हजार रुपैयाँ बराबरको साइकल पुस्कार दिइएको थियो ।
साधारण विधातर्फ २५ किलोमिटर पुुरुषतर्फ जंगुु थारू प्रथम, जितेन्द्र चौहान दोस्रो र सुुमन चौधरी तेस्रो भए । महिलातर्फ पार्वती सार्की पहिलो, सीता सार्की दोस्रो र टीका खड्का तेस्रो भए । विजेताले क्रमशः २५ हजार, २० हजार र १५ हजार बराबरको साइकल पुरस्कार प्राप्त गरे ।
विजेताहरूलाई नेपालगन्ज उपमहानगरपालिकाका प्रमुख डा. धवलशमशेर राणा, उपमेयर उमा थापामगर लगायतले पुरस्कार प्रदान गरेका थिए ।
प्रतिक्रिया दिनुहोस !
