दाङ : दाङमा २ थान भरुवा बन्दुकसहित १ जना पक्राउ परेका छन्। दाङको शान्तिनगर गाउँपालिका वडा नम्बर ४ जुम्लेकुलाका २९ वर्षीय हरीबहादुर रासकोटी भरुवा बन्दुकसहित पक्राउ परेको इलाका प्रहरी कार्यालय तुलसीपुले जनाएको छ।
आफ्नै घरमा लुकाई राखेको २ थान भरुवा बन्दुक, बदेलको जस्तो देखिने खुट्टाको सपेटा २ वटासहित रासकोटीलाई प्रहरीले पक्राउ गरेको इप्रका तुलसीपुरमा प्रमुख प्रेम बहादुर शाहीले बताए।
पक्राउ परेका रासकोटीबारे थप अनुसन्धान भइरहेको प्रहरीले बताएको छ।
प्रतिक्रिया दिनुहोस !
