दाङ : दाङ क्षेत्र नं का प्रतिनिधि सभा सदस्य हिराचन्द्र केसीले आफनो दुई महिनाको तलब एक विद्यालयलाई हस्तान्तरण गरेका छन् । तुलसीपुर–८ अश्वाराथित अस्वारा माविलाई आफनो दुई महिनाको केसीले तलव उलब्ध गराएका हुन् । विद्यालयमा सञ्चालन भएको शैक्षिक तथा धार्मिक महोत्सवको अन्तिम दिन सांसद केसीले रकम विद्यालयलाई हस्तान्तरण गरेका हुन् ।
उनले दाङको विकासका लागि प्रतिबद्ध रहेको बताउँदै जनताका छोराछोरी पढने सामुदायिक विद्यालयलाई तलब हस्तान्तरण गरेको बताए । प्रतिनिधि सभा सदस्यको दुई महिनामा हुन आउने एक लाख १० हजार ४ सय रुपैयाँ विद्यालयलाई दिइएको उनले बताए ।
सांसद केसीले चुनावमा जनतासँग गरेका प्रतिबद्धता पुरा गर्ने पनि बताएका छन । निर्वाचित भएपछि आफ्नो तलव भत्ता विकासमा खर्चिने प्रतिबद्दता अनुसार यो काम गरिएको केसीले बताए । केसीले पश्चिमको शिवसुन्दरपुर विद्यालयलाई एक महिनाको तलव भत्ता र तुलसीपुर–१५ मा शहिद पार्क निर्माणका लागि एक महिनाको तलव भत्ता सहयोग गर्ने निर्णय गरिसकेको बताए ।
यसैबीच महोत्सवमा शुक्रवार ७ लाख ९२ हजार रुपैया दान संकलन भएको आयोजकले जनाएको छ । शुक्रवार अश्वारा निवासी टेकनाथ योगीले ५३ हजार ५ सय ५५, विद्यालय ब्यवस्थापन समितिका अध्यक्ष किरणबहादुर शाहले ५१ हजार १ सय ५१, सृजना टोल विकास संस्थाले ५१ हजार ५ रुपैयाँ दान गरेको छ । शुक्रवार समापन हुने भनिएको शैक्षिक महोत्सवको शनिवार समापन हुने आयोजकले जानकारी दिएको छ ।
प्रतिक्रिया दिनुहोस !
