नितु घले/सुवास गोतामे
शुक्रबार राति भएको विस्फोटमा तीनजना घाइते भएका छन्। महानगरीय प्रहरी परिसर ललितपुरका डीएसपी अपिल बोहराका अनुसार विस्फोटमा परी प्रतिक्षा खड्का, सिंहप्रसाद गुरुङ र उरुषा मानन्धर घाइते भएका छन्। उनीहरुको अल्का, बि एण्ड बी र मेडिसिटी अस्पतालमा उपचार भइरहेको छ।
घाइतेमध्ये गुरुङ गम्भीर छन्। उनका दुईटै खुट्टा चुडिएको प्रहरीको भनाइ छ। मेडिसिटी अस्पतालकी नर्स उरुषाको त्यही उपचार भइरहेको छ भने प्रतिक्षाको अल्का अस्पतालमा उपचार भइरहेको छ।
अज्ञात समूहले विस्फोट गराएको प्रहरीको भनाइ छ। विस्फोटबाट एनसेल टावर नजिकैको फर्निचर पसलमासमेत क्षति पुगेको छ।
ललितपुरका प्रमुख जिल्ला अधिकारी प्रेमराज जोशीका अनुसार नेपाल प्रहरी, नेपाली सेना, सशस्त्र प्रहरी तथा राष्ट्रिय अनुसन्धानको विशेष टोली घटनास्थलमा पुगिसकेका छन् । घटनाको विषयमा अनुसन्धान भइरहेको भए पनि कसले विस्फोट गराएको हो भन्ने खुलेको छैन । घटनामा संलग्नको खोजी भइरहेको र चाँडै पत्ता लाग्ने प्रजिअ जोशीको भनाइ छ ।
प्रतिक्रिया दिनुहोस !
