हेटौंडा : मकवानपुर प्रहरीले १२० किलो गाँजा सहित दुई जनालाई पक्राउ गरेको छ। पूर्वपश्चिम राजमार्ग अन्तर्गत हेटौंडा ११ नवलपुरबाट ना ३ ख ३७१५ हरियो सेतो नम्बरको मालबहाक ट्रक चेकजाँचको क्रममा प्रहरीले शनिबार विहान गाँजा बरामद गरेको हो।
गाँजा सहित पक्राउ पर्नेमा ट्रक चालक तथा साहु मकवानपुरको राक्सिराङ गाउँपालिका ३ का २८ वर्षीय सुकुलाल थिङ र उक्त गाडीमा सवार ३१ वर्षीय नमराज दर्जी रहेको मकवानपुर प्रहरी प्रमुख एसपी मुकेश सिंहले बताए।
चितवनबाट हेटौंडातर्फ आउँदै गरेको उक्त ट्रक प्रदेश–३ प्रहरी कार्यालयबाट प्राप्त सूचनाको आधारमा जिल्ला प्रहरी कार्यालय मकवानपुरका प्रहरी निरीक्षक पवन कुरमा झाको कमान्डमा खटिएको टोलीले चेकजाँच गरेको थियो।
प्रतिक्रिया दिनुहोस !
