रातो मच्छिन्द्रनाथको अवलोकनमा कुमारी (फोटो फिचर)

काठमाडौं : रातो मच्छिन्द्रनाथको रथ बिहीबार अन्तिम दिन तानिएको छ। रथ ललितपुरको लगनखेलबाट जाउलाखेल लगिएको हो। कुमारीपाटीमा मच्छिन्द्रनाथको रथको पाटनकी कुमारीले अवलोकन गरेकी छन्। रथ जावलाखेलमा राखिएको छ। 

वर्षा र सहकालका देवता रातो मच्छिन्द्रनाथको रथ बिहीबार कीर्तिपुर, सतुङ्गल, मच्छेगाउँ, पुल्चोक, बलम्बु, थानकोट र पाँगा सात गाउँका मानिस आएर ठटिटोलदेखि इटिटोलको बाटो हुँदै मान भवन, कुमारीपाटी गरी जावलाखेल पुर्याएका हुन् ।    
     

प्रत्येक गाउँबाट १५ देखि २० जनाको टोली धिमेबाजा बजाउँदै आएर करीब १५० देखि २०० जनाको टोलीले रथ तानेको थियो । हरेक वर्ष ठटिटोलबाट जावलाखेलसम्म रथ लान यी सात गाउँका मानिस अनिवार्य उपस्थित हुने चलन बसेको पाटनका स्थानीय सूर्यमान डङ्गोलले जानकारी दिए ।      
तस्बिर : सुनिता डंगोल/प्रणभ खत्री