पोखरा : ट्रायथलनमा नेपालले पहिलो स्वर्ण जितेको छ ।पोखराको फेवाताल किनरामा सोमबार भएको ट्रायथलनमा नेपालकी सोनी गुरुङले निर्धारित दुरी एक घण्टा १३ मिनेट ४५ सेकेण्डमा पौडी, साइक्लिङ र दौड पूरा गर्दै स्वर्ण जितेकी हुन् ।
नेपाल, भारत र श्रीलंका बीच भएको प्रतिस्पर्धामा पौडी र साइक्लिङमा तेस्रो भएकी गुरुङले दौडमा आफ्ना प्रतिस्पर्धी भारतकी सरोजनी देबी थौडमलाई पछि पार्दै स्वर्ण हातपारेकी हुन् ।
थौडमले १ घण्टा १४ मिनेट मानिर्धारित दूरी पूरा गर्दै रजत जितेकी छन् । प्रतिस्पर्धामा पौडी र साइक्लिङमा पहिलो भएकी भारतकी प्रज्ञा महोन दौडमा पछि पर्दा कास्यमा चित्त बुझाइन् । उनले निर्धाति दुरी १ घण्टा १४ मिनेट ५७ सेकेण्डमा पार गरेकी थिइन् ।
स्वार्ण जिते पछि नेपालकी सोनी गुरुङले प्रतिस्पर्धामा आफ्नो रणनीतिले काम गरेको सुनाइन् । ट्रायथलनमा पहिलो पटक स्वर्ण जितेर नेपाल र नेपालीको नाम राख्न पाउँद खुशी लागेको उनले बताइन् ।
पुरुषतर्फ नेपालका बसन्तले जिते कास्य
यसैगरी पोखराको फेवाताल किनारमा भएको पुरुषतर्फको ट्रयाथलनमा नेपालका बसन्त थारुले कास्यपदक जितेका छ्न् । थारुले निर्धारित दुरी १ घण्टा ३ मिनेट ४५ सेकेण्डम पुरा गरेका थिए ।
प्रतिस्पर्धामा भारतका आर्दश एमएस प्रथम हुँदै स्वर्ण हात पारे । उनले निर्धारित दुरी १ घण्टा २ मिनेट ३१ सेकेण्डमा पुरा गरेका थिए । यसै गरी भारतकै विश्वजीत साइकोमले निर्धारित दुरी १ घण्टा २ मिनेट ५९ सेकेण्डमा पुरा गर्दै रजत पदक हात पारे।
प्रतिक्रिया दिनुहोस !
