तानसेन : बिहीबारदेखि पाल्पामा बाहिरी जिल्लाको तरकारी खरिद बिक्रीमा रोक लगाएको छ । कोरोना भाइरस सक्रमण जोखिमबाट बच्न र बचाउन भन्दै अन्तर जिल्लाबाट हुने तरकारी दूध जन्य पदार्थमा खरिद तथा आयतमा रोक लगाएको हो ।
लकडाउनको समयमा पनि तराई तथा भारतीय बजारबाट दिनहुँ पाल्पामा तरकारी आइरहेकोले भाइरस सक्रमणबाट बच्न हाल बिहीबारबाट लागु हुने गरी अन्य जिल्लाबाट आयात हुने तरकारीमा स्थानीय प्रशासनले रोक लगाएको छ । पाल्पा जिल्ला रुपन्देही, नवलपरासी, तनहु, स्याङ्जा, गुल्मी, अर्घाखाची जिल्लासंग सिमाना जोडिएको छ । दैनिक ५ घण्टा खाद्यान्य पसल खुल्दै आएकोमा हाल हप्तामा ६ घण्टा मात्र खाधान्य पसल खोल्ने निर्यण स्थानीय प्रशासनले गरेको छ ।
हाल सदरमुकाम तानसेनमा मदनपोखरा, दमकडा, डुम्रे, मस्याम र अर्गली क्षेत्रबाट तरकारी आयात हुँदै आएको छ । पाल्पाको तरकारी अन्य जिल्लामा निर्यातमा भने रोक नलगाएको समितिले जनाएको छ ।
प्रतिक्रिया दिनुहोस !
