स्वास्थ्यकर्मीलाई संक्रमण : गाउँपालिकाको सेवा पाँचदिन बन्द

गोरखा : गोरखाको बारपाक सुलीकोटका एक स्वास्थ्यकर्मीमा कोरोना संक्रमण पुष्टि भएपछि थप जोखिम बढ्न नदिन पाँचदिनसम्म गाउँपालिकाका कार्यालयहरु बन्द गरिएको छ । मंगलबार विज्ञप्ति जारी गरी गाउँपालिकाले स्वास्थ्य एकाइहरुबाहेक सबै कार्यालयहरु पाँचदिनसम्मका लागि विदा गरेको जनाएको छ ।

सूर्यज्योति मावि क्वारेण्टाइनमा रहेका एक व्यक्तिमा कोरोना पुष्टि भएपछि कन्ट्याक ट्रेसिङ गर्दा सोही क्वारेण्टाइनमा रहेका एकजना र पालिकाको स्वास्थ्य शाखाका अर्का एकजनामा कोरोना संक्रमण पुष्टि भएको गाउँपालिकाका अध्यक्ष विष्णु भट्टले जानकारी दिए । 

उनीहरुको सम्पर्कमा रहेकाहरुको यथासीघ्र कन्ट्या ट्रेसिङका लागि पनि पहल भइरहेको उनले बताए । यस विषम परिस्थितिलाई सामान्यीकरण गर्नका लागि धैर्यता, संयमता र सजगता अपनाउन पनि विज्ञप्तिमार्फत गाउँपालिकाले आग्रह गरेको छ ।