कोरोना त्रासबीच साउने सोमबार : मन्दिरको गेटबाटै चढाइयो जल र दूध (फोटो फिचर)

पोखरा : साउनको सोमबार सामान्य अवस्थामा पोखराका सबै शिव मन्दिरमा भक्तजनको भीड लाग्ने गद्थ्यो । कोरोना भाइरस नियन्त्रण गर्न लगाइएको लकडाउन खुकुलो भएपनि मन्दिर, विद्यालयजस्ता धेरै जमघट हुने स्थान अझै खुलेका छैनन् । मन्दिरमा पनि कोरोना भाइरस नियन्त्रण गर्न सरकारले लगाएको लकडाउनलाई पालना गर्दै मन्दिर बाहिर पूजापाठ बन्द गरिएको सूचना प्रकाशित गरिएको छ । 

मन्दिरको मुख्य गेट नै बन्द गरिएपनि धार्मिक आस्था राख्ने भक्तजनको पोखराका शिवमन्दिरमा बिहानैबाट चहलपहल भएको छ । मन्दिरको मुख्य गेट बन्द छ ।  भक्तजनको अनुरोधमा गेटबाट मन्दिर सम्म डुढ बनाएर जल र दुध चढाउने व्यवस्था मन्दिर व्यवस्थापन समितिले गरेका छन् । 

पोखराको केदारेश्वर मन्दिर, विन्ध्यवासिनी मन्दिर परिसरमा रहेको शिव भन्दिर लगायतका मन्दिरमा साउनका हरेक सोमवार भक्तजनको भिड लाग्ने गदथ्यो । पोखराको बगर स्थित सेती नदी किनार गाईघाटमा स्नान गर्न नदीमा पूजा गर्न र जल लिएर बोलबामयात्रा गर्दै जल चढाउन बिभिन्न शक्तीपीठमा भक्तालुको भिड लग्थ्यो । 

साउनको सोमवार भगवान शिवको महिमा मानिने हुँदा भक्तजन उपासना गरी नजिकको पवित्र नदी, कुण्ड तथा तलाउबाट जल शिवलिंगमा चढाउँदा मनोकांक्षा पूरा हुने धार्मिक विश्वास छ । यसै विश्वासले कोरोना कहरका बीच पनि भक्तजनहरु मन्दिरमा पूजा गर्न पुगेका छन् । पोखराको केदारेश्वर मन्दिरमा सामान्य अवस्थामा प्रत्येक सोमवार दशहजार भन्दा बढि भक्तजनले दर्शन गर्ने मन्दिर व्यवस्थापनले बताएको छ । 

कोरोना कहरको कारण यस वर्षको पहिलो सोमबार मन्दिरको गेट नै बन्द छ । मन्दिरभित्र सुनसान छ । मन्दिर बाहिर भने पुर्जा गर्न भक्तजन माक्स लगाएर लाइनमा बसेका छन् ।
 मन्दिरको गेटसम्म आएपछि भक्तजनको अनुरोधमा मन्दिर व्यपवस्थापन समितिले डुढ बनाएर मुख्यगेटबाट मन्दिर सम्म जल र दुध चढाउने व्यगस्था गरेको मन्दिरका पिठाधिस डा लेखनाथ आचार्यले बताए ।