रुकुम : रुकुम पश्चिममा १६ किलो लागुऔषधसहित तीनजना पक्राउ परेका छन् ।
आठविसकोट नगरपालिका–५ बाट १६ किलो अफिमसहित तीन जनालाई प्रहरीले सोमबार पक्राउ गरेको हो । जाजरकोटको नलगार्ड नगरपालिका–९ का ३७ वर्षीय प्रेमबहादुर सिंह, ४० वर्षीय मानबहादुर सिंह र ३२ वर्षीय तपबहादुर सिंहलाई अफिम सहित पक्राउ गरिएको जिल्ला प्रहरी कार्यालय रुकुम पश्चिमका डिएसपी ठगबहादुर केसीले जानकारी दिए ।
लागुऔषध कारोबार भइरहेको गोप्य सुचनाको आधारमा कर्णाली प्रदेश प्रहरी कार्यालय सुर्खेत र जिल्ला प्रहरी कार्यालयबाट खटिएको संयुक्त टोलीले उनीहरूलाई पक्राउ गरिएको डिएसपी केसीले बताए । प्रहरीले पक्राउ गरेका तीन जनाको झोला चेक जाँच गर्दा लागुऔषध अफिम फेला परेको प्रहरीको भनाइ छ ।
पक्राउ परेकाहरुलाई आठ विसकोटबाट जिल्ला प्रहरी कार्यालय ल्याउँदै गरेको डिएसपी केसीले बताए । जिल्ला प्रहरी कार्यालयमा पुर्याएपछि ऐन अनुसार मुद्दा दर्ता गरेर थप अनुसन्धान गरिने उनले बताए ।
प्रतिक्रिया दिनुहोस !
