जकार्ता : इन्डोनेसियाको राजधानी जार्काता नजिकैको एक जेलमा भीषण आगलागि भएको छ । आगलागीमा ४१ कैदीको मृत्यु भएको छ भने ७३ भन्दा बढी गम्भीर घाइते भएको अन्तराष्ट्रिय सञ्चार माध्यमले जनाएको छ ।
ब्यान्टिन प्रान्तमा अवस्थित तेङ्गेराङ जेलमा स्थानिय समय अनुसार बुधबार विहान १ बजेर ४५ मिनेटमा आगलागी भएको थियो । इन्डोनेसियाको सरकारी अधिकारीका अनुसार विद्युतिय त्रुटी हुँदा आगलागी भएको थियो ।
मृत्यु हुनेमा २ विदेशी कैदी समेत रहेको मानवअधिकार एवम कानुन मन्त्री यासोन्ना लाओलिले बताए । उनका अनुसार जेलमा क्षमता भन्दा बढी कैदी राखिएका थिए । जेलभित्रका ढोकाहरु बन्द गरिएकोले ठुलो मानविय क्षती भएको छ । जेलको ब्लक ३८ मा आगलागी भएको हो । जहाँ लागुऔषधसँग सम्बन्धित १२२ भन्दा बढी कैदी राखिएका थिए ।
जेलभित्र २ हजार ६ कैदी राखिएको स्थानिय सञ्चारमाध्यमले जनाएको छ ।
हालसम्म पनि उद्धार कार्य जारी राखिएको उनले जनाएका छन् । आगलागी हालसम्मकै विनाशकारी भएको बताइएको छ ।
प्रतिक्रिया दिनुहोस !
