मुगु : गत कार्तिक २९ गते राति आगलागीबाट पूर्णरुपले क्षति भएका सदरमुकाम गमगढीका १८ घरधुरीलाई आर्थिक सहयोग गरिएको छ । स्पेनको आलबिरमा बसोबास गर्दै आएका मुगु छाँयानाथ रारा नगरपालिका-१३का अक्कल बोहोराको अगुवाईमा कार्तिक २९ गते भएको आगलागीबाट पिडीत परिवारलाई जिल्ला प्रशासन कार्यालयको रोहबरमा आर्थिक सहयोग गरिएको हो ।
आगलागीबाट पूर्णरुपले क्षति भएका १८ घरलाई प्रतिघर २० हजारका दरले सहयोग गरिएको छ । त्यस्तै ब्यवसाय गरेर बसेकालाई प्रति घर ३ हजारका दर र बहालमा बसेकालाई १ हजारका दरले सहयोग नगद रुपैयाँ सहयोग गरिएको बोहोराले जानकारी दिए ।
विदेशमा बसेर आफ्नो कमाईबाट खर्च कटाएर हामी बसेको स्थानमै पुगेर सहयोग पाउँदा हामी अग्नि पिडीतलाई ठूलै सहयोग पुगेको अग्नि पिडीत राज्यलक्ष्मी हितानले बताइन् ।
प्रतिक्रिया दिनुहोस !
३
