विराटनगर : मोरङको विराटनगरमा प्रदेशस्तरीय सन्ध्याकालीन 'मिल्स भेट्रान्स गोल्डकप-२०७९' हुने भएको छ।
मिल्स भेट्रान्स क्लबको आयोजनामा आउँदो असोज १ गतेदेखि विराटनगर-१६ स्थित जुट मिल्स खेल मैदानमा गोल्डकप हुने भएको हो।
सोमबार विराटनगरमा पत्रकार सम्मेलन गर्दै आयोजकले गोल्डकपबारे जानकारी दिएको हो। गोल्डकपमा आयोजकका दुईसहित मोरङ, सुनसरी र झापाका ११ वटा टिमहरूको सहभागिता हुने जनाइएको छ।
असोज १० गतेसम्म चल्ने गोल्डकप दिउँसोको ३ बजेबाट सुरु हुने आयोजकले जनाएको छ। आयोजकका अनुसार खेल कुल ७० मिनेटको हुनेछ।
गोल्डकपका विजेताले ५१ हजार १११ र उप-विजेताले ३१ हजार १११ रुपैयाँ नगद पुरस्कारसहित मेडल र ट्रफी समेत प्राप्त गर्नेछन्।
मिल्स भेट्रान्सले यसअघि भने नगरस्तरीय गोल्डकप प्रतियोगिता आयोजना गर्दै आएको थियो।
आउँदो असोज १ गतेदेखि विराटनगरमा हुने प्रदेशस्तरीय मिल्स भेट्रान्स गोल्डकप जानकारी दिन आयोजित पत्रकार सम्मेलन। तस्बिर : राकेश कर्ण
प्रतिक्रिया दिनुहोस !
