पोखरा : गण्डकी प्रदेश सभा सदस्य कास्की १ क मा नेकपा एमालेमा उम्मेवार खगराज अधिकारी विजयी भएका छन् । सत्ता गठबन्धनका साझा उम्मेदवार नेकपा माओवादीका दिपक कोइरालाई ३ हजार ९९६ मतले पराजित गर्दै अधिकारी निर्वाचित भएका हुन् ।
संघीय सरकारका पूर्व गृहमन्त्री समेत रहेका अधिकारीले १५ हजार ६२३ मत ल्याउँदा माओदीका उम्मेदवार कोइरालाले ११ हजार ६२७ मत ल्याएका छन् । एमालेका अधिकारी आफ्नो पार्टीबाट गण्डकी प्रदेशका मुख्यमन्त्रीका दाबेदार हुन् । कोइराला पूर्व गण्डकी प्रदेश सांसद हुन् ।
हाम्रो नेपाल पार्टीका उम्मेदवार मदन बहादुर केसीले ३ हजार ६२९ मत ल्याएका छन् । यसै गरी राष्ट्रिय प्रजातन्त्र पार्टीका बाबुराम थापाले ३ हजार ५३४ मत ल्याएर चौथो स्थानमा रहेका छन् ।
कास्की क्षेत्र नम्बर १ प्रतिनिधि सभा सदस्यमा नेकपा एमालेका मनबहादुर गुरुङ निर्वाचित भइसकेका छन् भने कास्की १ ख प्रदेश सभामा नेकपा एमालेकै वेदबहादुर गुरुङ श्याम विजयी भइसकेका छन् ।
प्रतिक्रिया दिनुहोस !
