तेस्रो विराटनगर बास्केटबल प्रतियोगिताको उपाधि बिकेभीएमलाई
विराटनगर : विराटनगरमा विद्यालयस्तरीय तेस्रो संस्करणको विराटनगर बास्केटबल कप प्रतियोगिताको फाइनल खेल सम्पन्न भएको छ।
विराटनगर बास्केटबल एकेडेमीको आयोजनामा कोबास कलेजको बास्केटबल कोर्टमा आज भएको फाइनल खेलमा पुरुषतर्फ सगरमाथा स्कुललाई ३७-२८ अङकले पराजित गर्दै बिकेभीएम स्कुल विजयी भएको छ।
त्यसैगरी महिलातर्फको भएको फाइनल खेलमा पोखरीया स्कुललाई २-४ अङकले पराजित गर्दै अरनिको स्कुल विजयी भएको हो।
पुरुष र महिलातर्फको खेलमा क्रमशः बिकेभीएम स्कुलका गुनानन्द यादव र अरनिको स्कुलको ‘उत्कृष्ट’ खेलाडी घोषित भएकाहरूलाई ट्रफी वितरण गरिएको थियो।
विद्यालयस्तरीय तेस्रो विराटनगर बास्केटबल प्रतियोगितामा महिला र पुरुष गरी ८ वटा टिमको सहभागिता रहेको कार्यक्रम संयोजक मुकेश यादवले बताएका छन्।
बास्केटबल कपको पहिलो संस्करण विराटनगरको सगरमाथा स्कुल र दोस्रो संस्करण भने इटहरीको विश्व आदर्श स्कुलले जितेको थियो।