सपना देखे नि गोर्खाका राजा
ओकली दिए नि राजाका हातमा
निद्रा है देखी नि ब्युँझेर हेर्दा
थिएन केही पनि मेरा बाबा थिएन केही पनि
राजाले मनमा विचार गरे
अचम्मै भो भनी मेरा बाबा अचम्मै भो भनी।
हिम्मतै आयो नि जोस जाँगर बढ्यो
सभा भो दरबारमा मेरा बाबा सभा भो दरबारमा
सन्देश पुग्यो नि खबर पुग्यो
भारदारका घरमा मेरा बाबा भारदारका घरमा।
बाइसै चौबिसै टुक्रालाई जोडी
बनाए नेपाल ए मेरा बाबा बनाए नेपाल
एउटै मालामा उनेका राज्य
भइगयो विशाल मेरा बाबा भइगयो विशाल।
जय जयकार गरी नि विजय उत्सव
मनाउँदै जनता मेरा बाबा मनाउँदै जनता
हाँसो र खुसीले उज्याला मुख
आनन्द मनमा हे मेरा बाबा आनन्द मनमा।
प्रतिक्रिया दिनुहोस !
