मुगु: यो वर्षको बखत स्मृति विद्यालय स्तरिय फुटबल प्रतियोगिताको उपाधी प्रभात माध्यामिक विद्यालय रोवाले जितेको छ।
२१ औं बखत स्मृति दिवसको अवसरमा शहीद बखतबहादुर शाही फाउण्डेनको आयोजनामा ४ गतेबाट जिल्ला सदरमुकाम गमगढीमा सञ्चालन भैरहेको अन्तर विदालय विद्यार्थी फुटबल प्रतियोगिताको आईतबार सञ्चालित फाईनल प्रतियोगितामा प्रभात मावि रोवाका विद्यार्थीले उपाधी लिन सफल भएका हुन्।
हरेक वर्ष बखत स्मृतिको अवसरमा भलिबल, फुटबल र देउडा प्रतियोगिता सञ्चालन हुँदै आएकोमा यो वर्ष फुटबल र देउडा प्रतियोगिताको सञ्चालन गरिएको हो।
विजेता मावि रोवाले शिल्ड ट्रफी, गोल्ड मेडलसहित २५ हजार नगद जितेको छ। उपविजेता महाकाली माविका विद्यार्थीले शिल्ड ट्रफी, शिल्भर मेडलसहित १५ हजार नगद पुरस्कार पाएको बखतबहादुर शाही फाउण्डेसन सचिव दिपक रावलले जानकारी दिए।
प्रतियोगिता ११ विद्यालयका १६ टिम सहभागी थिए।
प्रतिक्रिया दिनुहोस !
