ढल्केवर : धनुषामा महिलालाई जबरजस्ती करणी गरेको आरोपमा प्रहरीले एक युवकलाई पक्राउ गरेको छ । पक्राउ परेका ती युवकले गत फाल्गुन २४ गते राति मिथिला नगरपालिका–३ बस्ने एक महिलामाथि जबरजस्ती करणी गरेको आरोप छ । घटनालगतै महिला हारगुहार गर्दै चिच्याएपछि स्थानीयहरुले ती युवकलाई प्रहरीमा जिम्मा लगाएका थिए ।
आफ्नै घरमा सुतिरहेको बेला २४ वर्षीय ती युवकले आफूमाथि जबरजस्ती करणी गरेको भन्दै ती महिलाले प्रहरीमा किटानी जाहेरी समेत दिएका छन् । आरोपितविरुद्ध जबरजस्ती करणी मुद्दामा जाहेरी दर्ता भएको इलाका प्रहरी कार्यालय ढल्केवरका प्रहरी निरीक्षक राजकिशोर साहले जानकारी दिए ।
उनले घटनाका आरोपित प्रहरी हिरासतमा रहेको पनि पुष्टि गरे । घटना अनुसन्धानको क्रममा रहेकोले आरोपितको परिचय खुलाउन नमिल्ने प्रहरी निरीक्षक साहले जनाए ।‘महिलाको स्वास्थ्य परीक्षण समेत भइसकेको छ । अनुसन्धान पश्चात थप कुराहरु खुल्छ,’ प्रहरी निरीक्षक साहले भने ।
प्रतिक्रिया दिनुहोस !
