दोलखामा गाँजासहित युवक पक्राउ
![दोलखामा गाँजासहित युवक पक्राउ](https://annapurnapost.prixacdn.net/media/albums/Pakrau_arrest_20211205143058_Ouyo1rSKM4_aAbwLZyce9.jpg)
दोलखा : भीमेश्वर नगरपालिका-५ किराँतीछापमा गाँजासहित युवक पक्राउ परेका छन्। पक्राउ पर्नेमा बैतेश्वर गाउँपालिका-५ मैनापोखरीमका २६ वर्षीय दीपक मिजार रहेका छन्।
किराँतीछाप प्रहरी चौकीबाट खटिएको प्रहरी सहायक निरीक्षक प्रेम बहादुर गिरी नेतृत्वको टोलीले उनलाई दुई केजी ९२२ ग्राम गाँजासहित पक्राउ गरेको हो।
भीमेश्वर नगरपालिका-५ किराँतीछापस्थित जिरी चरिकोट सडक खण्डमा चेकजाँच गर्ने क्रममा जिरीबाट काठमाडौँतर्फ जाँदै गरेको बा ५ ख ८०३१ नम्बरको बसमा लुकाई छिपाई लैजाँदै गरेको अवस्थामा मिजारलाई पक्राउ गरेको गरिएको प्रहरीले जनाएको छ। प्रहरीका अनुसार पक्राउ परेका मिजारलाई आवश्यक कारबाहीका लागि जिल्ला प्रहरी कार्यालय दोलखामा राखिएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)