सिन्धुली : पहिरो र ढुंगामुढासहित आएको लेदोले अवरुद्ध मध्यपहाडी लोकमार्ग सञ्चालनमा आएको छ। मध्य पहाडी लोकमार्ग अन्तर्गत गोलोन्जर गाउँपालिका ६ अक्करे भिरमा बिहान पौने छ बजेदेखि पहिरो र ढुंगा माटोसहितको लेदोको कारण अवरुद्ध भएको सडक अहिले सञ्चालनमा आएको हो।
सिन्धुलीका प्रहरी प्रमुख गोविन्दराज काफ्लेका अनुसार पहिरो पन्छाएपछि राजमार्ग दुईतर्फी नै सञ्चालनमा आएको हो ।
गोलन्जोर गाउँपालिका ६ नाकाजोलीबाट सिन्धुलीमाढीतर्फ आउँदै गरेको बोलेरो दुर्घटना हुँदा अवरुद्ध विपी राजमार्गसमेत सञ्चालनमा आएको छ ।
कमलामाई नगरपालिका २ चियाबारी नजिक बोलेरो सडकमै पल्टिएर दुर्घटना हुँदा सडक अवरुद्ध भएको थियो। दुर्घटना भएको बोलेरो हटाइएपछि विपि राजमार्ग संचालनमा आएको हो ।
प्रतिक्रिया दिनुहोस !
