पहिरोमा पुरिएर वडा सदस्य र उनका श्रीमानको मृत्यु, छोरी गम्भीर घाइते
भदौ २३, २०८१ आइतबार १३:४५:१०
जाजरकोट : बारेकोट गाउँपालिका-६ धुमाका मान बहादुर चलाउने र उनकी श्रीमती प्रेमकुमारी चलाउने मृत फेला परेका छन । पहिरोले घरसँगै पुरिएका चलाउने दम्पतीको शव केहीबेर अघि स्थानीय र प्रहरीले निकालेको डीएसपी पुरुषोत्तम पाण्डेले अन्नपूर्ण पोस्ट्लाई जानकारी दिए ।
उनका अनुसार ११ वर्षीय छोरी सम्झनालाई गम्भीर घाइते अवस्थामा उद्धार गरिएको थियो । राती १ बजे घटना भएपनि बिहान ६ बजे प्रहरी पुगेपछि ती बालिकाको उद्धार भएको डीएसपी पुरुषोत्तम पाण्डेले बताए । 
उनलाई थप उपचारका लागि नेपाली सेनाको हेलिकप्टरबाट सुर्खेत पठाइएको प्रमुख जिल्ला अधिकारी उमाकान्त अधिकारीले बताए । प्रेमकुमारी वडा सदस्य हुन् । रातभर पानी परेकोले उद्धारमा कठिनाइ भएको थियो ।
प्रतिक्रिया दिनुहोस !
