काठमाडौं महानगरपालिका-१६ मा वडाध्यक्षका लागि मतदान जारी (तस्बिर)

काठमाडौं : काठमाडौं महानगरपालिका वडा नं-१६ मा वडाध्यक्ष पदका लागि मतदान सुरु भएको छ। आज बिहान ७ बजेबाट मतदान केन्द्रमा मतदाता लाइनबद्ध भएर मतदान गरिरहेका छन्। आज बिहान ७ बजेदेखि साँझ ५ बजेसम्म मतदानको समय निर्धारण गरिएको निर्वाचन आयोगले जनाएको छ।

काठमाडौं महानगरपालिका - १६ को वडाध्यक्ष पदमा मा कांग्रेस,एमाले, रास्वपालगायत १० स्वतन्त्रसहित १८ जना उम्मेदवार कायम भएको निर्वाचन आयोगले जनाएको छ । सो वडाका लागि कांग्रेसले देवेन्द्र पाठक, एमालेले लक्ष्मीरत्न मानन्धर र राष्ट्रिय स्वतन्त्र पार्टीले रोजिना श्रेष्ठलाई उम्मेदवार बनाएको छ ।

यसैगरी राप्रपा, नेकपा एकीकृत समाजवादी, राप्रपा नेपाल, जसपाका उम्मेदवार पनि चुनावी मैदानमा छन् । यसअघिका वडाध्यक्ष मुकुन्द रिजालको निधन भएपछि सो वडामा उपनिर्वाचन भएको हो । 

 १ मेयर, १ उपमेयर, २ गाउँपालिका अध्यक्ष, ४ गाउँपालिका उपाध्यक्ष र ३३ वडाध्यक्षका लागि चुनाव हुन लागेको हो। 

तस्बिरमा हेर्नुहोस् युवक मावि, पक्नाजाेल मतदान केन्द्रका मतदाता