मकवानपुर : हेटौंडा उपमहानगरपालिका-१५ रातोमाटे चेक प्वाईन्टस्थित सडकबाट अवैध लागूऔषध गाँजा करिब १ सय ७५ किलोग्राम सहित २ जनालाई बुधबार दिउँसो प्रहरीले पक्राउ गरेको छ।
पक्राउ पर्नेहरूमा बकैया गाउँपालिका-४ बस्ने २४ वर्षीय सुमन लामा र हेटौंडा उपमहानगरपालिका-११ कालिदमार बस्ने २४ वर्षीय सुशिल भोलन रहेका छन्।
प्रहरी चौकी रातोमाटेबाट खटिएको प्रहरीले हेटौंडाबाट पथलैयातर्फ जाँदै गरेको बा प्र ०३-००१ च १५८४ नम्बरको पिकअप गाडीलाई जाँच गर्ने क्रममा पिकअपको ढालामा खाली क्रेटले छोपी लुकाई छिपाई ल्याएको ५ वटा बोरामा रहेको उक्त परिमाणको गाँजा फेला पारी चालक सुमन र गाडीमा सवार सुशीललाई पक्राउ गरेको हो।
यस सम्बन्धमा प्रहरीले आवश्यक अनुसन्धान गरिरहेको छ।
प्रतिक्रिया दिनुहोस !
