तानसेन : पाल्पामा २ वटा क्याम्पसमा स्वतन्त्र विद्यार्थी युनियनको निर्वाचन भइरहेको छ । बिहान ८ बजेदेखि त्रिभुवन बहुमुखी क्याम्पस तानसेन र शहिद बहुमुखी क्याम्पस रामपुरमा मतदान सुरु भएको स्वतन्त्र विद्यार्थी युनियनको निर्वाचन शान्तिपूर्ण रुपमा भइरहेको छ ।
त्रिभुवन बहुमुखी क्याम्पस तानसेनमा एक हजार ८९४ जना मतदाता विद्यार्थी रहेका छन् । त्रिभुवन बहुमुखी क्याम्पस तानसेनमा कुल १९ पदका लागि निर्वाचन भइरहेको छ। १० पदमा प्रत्यक्ष निर्वाचनबाट नेतृत्व चयन हुनेछ । यस्तै ९ पदमा भने समानुपातिक मतबाट नेतृत्व चयन हुनेछ । प्रत्यक्षतर्फ अध्यक्ष, सचिव, कोषाध्यक्षसहित १० पदका लागि निर्वाचन भइरहेको छ । यस्तै समानुपातिक उम्मेदवारका लागि संगठनलाई मत दिनुपर्ने प्रावधान रहेको छ । संगठनले पाएको मतको आधारमा स्ववियुमा प्रतिनिधित्व हुने निर्वाचन प्रमुख जीवन बहादुर थापाले बताए ।
निर्वाचन शान्तिपूर्ण भइरहेको त्रिवि तानसेनका क्याम्पस प्रमुख टंकप्रसाद पन्थले बताए । तानसेनको ४ बुथबाट मतदानको काम भइरहेको छ । त्रिभुवन बहुमुखी क्याम्पसमा नेविसंघ, अनेरास्ववियु, अनेरास्ववियु क्रान्तीकारी र अनेरास्ववियू समाजवादी चुनावी प्रतिस्पर्धामा रहेका छन् । तानसेनमा २०६५ साल पछि १६ वर्ष पछि निर्वाचन भएको हो ।
शहीद बहुमुखी क्याम्पसमा प्रत्यक्षतर्फ नेपाल नेविसंघ, अनेरास्ववयिु र अनेरास्वववियु क्रान्तीकारीको संयुक्त प्यानल चुनावी प्रतस्पिर्धा छन् । शहीद बहुमुखी क्याम्पस रामपुर, पाल्पामा स्ववियु नर्विाचनमा १५ जना स्ववियु पदाधकिारीमध्ये ८ पद प्रत्यक्षबाट र ७ पद समानुपातिकबाट निर्वाचित हुनेछन्।
शहीद बहुमुखी क्याम्पस रामपुर पाल्पामा ७ सय १५ जना मतदाता रहेका छन् । शहीद बहुमुखी क्याम्पसमा ७ सय १५ जना मतदाता रहेका छन् । पाल्पाका पाँच क्याम्पसमध्ये दर्छा क्याम्पस, उद्बुद्ध क्याम्पस र माण्डव्य बहुमुखी क्याम्पसमा अनेरास्ववियुको नेतृत्वमा स्ववियु निर्वाचन सम्पन्न भइसकेको छ।
प्रतिक्रिया दिनुहोस !
