काठमाडौं : जापानमा नेपाली संगीतको महोत्सव हुने भएको छ। ‘नेपाल म्युजिक फेस्ट २०२५’ नाम दिइएको यो संगीत महोत्सव आगामी अगस्त महिनामा जापानका चार ठूला सहर टोकियो, ओसाका, फुकुओका र नागोयामा आयोजना हुने आयोजकले जानकारी दिएको छ।
‘नेपाली संगीतलाई विश्वसँग जोड्ने’मुख्य उद्देश्यसहित सुरू हुन लागेको योफेस्टिभलले नेपाली संगीत, संस्कृति र समुदायलाई अन्तर्राष्ट्रिय मञ्चमास्थापित गर्न मद्दत पुग्ने विश्वास लिइएको छ।
फेस्टिभलमा नेपालको चर्चित र लोकप्रिय संगीत समूहहरू स्वर, द एज रकबवेबले विशेष प्रस्तुति दिनेछन्। परम्परागत नेपाली धुनलाई आधुनिकशैलीमा प्रस्तुत गर्ने स्वरले आफ्ना चर्चित गीतहरू ‘अपरिभाषित’, ‘बादलसारी’, ‘म मरे पनि’ जस्ता गीतमार्फत् दर्शकको मन जित्ने तयारी गरेको छ। भावनात्मक ऊर्जा र सामाजिक सन्देश समेटिएका गीतमार्फत युवा पुस्तासँग गहिरो सम्बन्ध बनाउँदै आएको द एज ब्यान्डले यो फेस्टिभललाई आफ्नो २५ औँ वार्षिकोत्सवकै रूपमा विशेष बनाउँदैछ।
नेपाली रक संगीतमा क्रान्ति ल्याएको कबवेब ब्यान्डको उपस्थिति पनिकार्यक्रमको विशेष आकर्षण मानिएको छ।
फेस्टिभल अगस्त ३ मा टोकियोको बेल साले टाकाडानोबाबाबाट सुरू हुनेछ। जुन क्रमशः ओसाकाको नाम्बा ह्याच, फुकुओकाको जेप्प फुकुओका रनागोयाको डायमन्ड हल हुँदै अगाडि बढ्नेछ। प्रवासी नेपाली मात्र नभइ जापानी संगीत प्रेमीहरूलाई समेत लक्षित गरी आयोजना गर्न लागिएको फेस्टिभलले नेपाल र जापानबीचको सांस्कृतिक सम्बन्धलाई अझ प्रगाढ बनाउने लक्ष्य राखेको छ।
कार्यक्रमको टिकट मेरोटिकटमार्फत् अनलाइन उपलब्ध हुनेछ। अर्ली बर्ड, स्ट्यान्डर्ड, फ्यान पिट र भीआईपी प्याकेजसहितका टिकटहरू डिजिटलरुपमा बिक्रीमा ल्याइनेछन्। जसमा ठगी रोक्न विशेष प्रविधि समेत प्रयोग गरिनेछ। तीनवटै भाषामा (नेपाली, जापानी र अङ्ग्रेजी) हुने प्रचार अभियान कलाकारहरूको डिजिटल सन्देश,पोस्टर र ब्यानरमार्फत् कार्यक्रमको व्यापक प्रचार गरिने योजना छ।
फेस्टिभल इनडोर स्थानहरूमा आयोजना गरिने भएकाले व्यवसायिक ध्वनि प्रविधि,प्रकाश व्यवस्था, सुरक्षाकर्मी, द्विभाषिक कर्मचारी र आपतकालीन तयारीसहित सुरक्षित वातावरण सुनिश्चित गरिने आयोजकले बताएको छ।
प्रतिक्रिया दिनुहोस !
