डडेल्धुरा : डडेल्धुरा जिल्ला कारागारबाट भागेका ३३ जना कैदीबन्दी नियन्त्रणमा आएका छन् । जेन जि आन्दोलनपश्चात् आज बिहान आन्दोलन गरी डडेल्धुरास्थित कारागारबाट भागेका ८५ कैदीवन्दी मध्ये ३३ जनाले नेपाली सेनाको सहयोगमा प्रहरीले पुन: समातेको हो ।
नेपाली सेनाले दिएको जानकारी अनुसार, बुधबार ३३ जना कैदीलाई नियन्त्रणमा लिइएको हो । बुधबार बिहानै डडेल्धुरा कारागार तोडफोड गरेर कैदीबन्दी फरार भएका थिए ।
सोमबार र मंगलबार भएको जेनजीहरूको प्रदर्शनपछि देशभरका विभिन्न कारागारबाट कैदीबन्दीहरू भागिरहेका छन् । विभिन्न कारागारका कैदीहरूले आगजनी समेत गरिरहेका छन् ।
प्रतिक्रिया दिनुहोस !
